گازا سپی وه‌ك ژێده‌ره‌كێ گرنگ بو ژین وژیارا هاولاتیان یا رۆژانه كو پێداویستیه‌كا هه‌ر مه‌ز ن پێ هه‌یه، وتیبه‌ت ل ده‌ڤه‌رێن به‌فر بارین و سرو سارما، له‌وما حكومه‌تا هه‌رێما كوردستانێ ژی به‌رده‌وام پێكولا دكه‌ت، گازا سپی ل سه‌ر هه‌می هاولاتیان ب یه‌كسانی دابه‌ش بكه‌ت.
رێڤه‌به‌ریا به‌رهه‌مێن گازێ دیاركر، گازا سپی به‌رده‌وام یا دهێته به‌لاڤه‌كرن ول ده‌سپێكێ ل جهێن سار مایی لێ هه‌یی دهێته به‌لاڤه‌كرن وه‌ك ئامێدیی و زاخو و ل ده‌وروبه‌رێن ئه‌ڤان چونكه پرانیا ئه‌ڤان گوندان كاره‌ب نینه.
شوره‌ش مه‌محود ل رێڤه‌به‌ریا به‌رهه‌مێن گازێ ل دهوك ئاشكه‌راركر، دڤێت هه‌ر سال هه‌رخێزانه‌ك 6 به‌رمیلێن گازا سپی وه‌ربگریت، كو سالێ دڤێت 240 ملیون لترێن گازا سپی بومه بهێن لێ نوكه بومه نیڤه‌ك دهێت، كو ئه‌وژی هه‌یڤانه 12 ملیون لترێن گازا سپی دهێن.
نافهاتی ئاشكه‌راكرژی،ژبه‌ر بارودوخێ ئارامێ كوردستانێ و هاتنا خێزانان ژباشو و ناڤه‌راستا ئیراقێ ول پارێزگه‌ها دهوك نێشته‌جێوبینه، و دگه‌ل خێزانێن گرێدایی مادێ 140 وهاتنا خێزانێن كورد ژ ده‌رڤه بو هه‌رێمێ، هه‌می ل سه‌ر رێژا هاتنا پانزرین و گازاسپی یاخه‌لكێ پارێزگه‌ها دهوكێ دژین.
شوره‌ش محمود ویسی گوتژی: ژبه‌ر هه‌بونا ژماره‌كا مولیدێن ئه‌هلی كو كاره‌بێ بو هاولاتیان دابین دكه‌ن ئه‌م نه‌شێن گازویلێ بده‌ینه ترومبێلێن بارهه‌لگر، و پتر ژێ 80% ئه‌م گازوایلێ ده‌ینه مولیدێن كاره‌بێ و هه‌رده‌مێ ره‌وشا كاره‌بێ باش بوو پاشان ئه‌م شێن بده‌ینێ.
شوره‌ش محمود وه‌یسی دیاركرژی، به‌رهه‌مێن گازێ ل سه‌ر هه‌می رێڤه‌به‌ریێن میری و نه‌خوشخانا وهێلێن نافخو و سه‌مونخانا دگه‌ل پروژێن كشتوكالی و جهێن ئاینی و كه‌رتێ ته‌ندروستی زێده‌باری به‌لاڤه‌كرنا پتر ژێ 3 ملیون لترێن گازا سپی ل سه‌ر كه‌رتێ په‌روه‌ردێ هاتیه به‌لاڤه‌كرن.
ليست هناك تعليقات:
إرسال تعليق