دۆرێن 50 وهلاتیێن پارچهیێن ئهردى ل سنورێ دهڤهرا ئهڤریكێ كڕین، كێشهیا خۆ گههاندنه لقێ ئێكێ پارتى و لقێ ئێك سۆزدا كو كێشهیا وان بگههینیته جهێن پهیوهندیدار.
نوونهرێ ڤان وهلاتیان ب ناڤێ ( ح، ج )بۆ ئهڤرۆ گۆت:مه نێزیكى دو سێ هزار وهلاتیان بهرى سێ - چوار سالان بۆ خۆ پارچهیێن ئهردى ل ئهڤریكێ كڕینه، لێ ڤێ دووماهیێ باژێرڤانیێ نهخشه بۆ ئهردێ ئهڤریكێ كێشایه و سێ چارێكا پارچهیێن مه یێن ئهردى یێن مه كڕین كرینه پرۆژهیێن خزمهتكارى كو ئهم ب چو رهنگهكى ڤێ چهندێ قهبوول ناكهین، ژ بهر كو مه ب فهرمى ژ نڤێسیگههێن كڕین و فرۆتنا ئهردى كڕینه و وى دهمى باژێرڤانى ل كیرێ بوو، بلا نههێلابا ئهڤ ئهرده بهێنه فرۆتن، لهورا مه مافێ خۆ دڤێت چ بهێینه قهرهبووكرن یان چارهیهكا دى.
وهلاتیهكێ دى ب ناڤێ بژار رهشید كو فهرمانبهره بۆ ئهڤرۆ دیار كر ئهگهر وى خۆ ل ژڤانیا و حكوومهتێ گرتبا رهنگه 50 سالێن دى ئهرد وهرنهگرتبا و گۆت:نهمن خانى ههیه نهپارچهیا ئهردى و چ پارێ من ههى من دا ب پارچهیهكا ئهردى، ڤێجا ئهم داخوازا مافێ خۆ دكهین.
ئهندازیارهكى ب ناڤێ سهبرى موسا دیار كر كو وى موچه موچه پارێ خۆ یێ لێكداى ههتا پارچهیهكا ئهردى ب 12 هزار و 500 دولاران كرى و گۆت:ب نهخشێ نوو یێ باژێرڤانیێ دێ زیانهكا مهزن گههیته مه و ئهم داخوازا چارهیهكێ دكهین.
هادى شنگالى ئهندامێ لقێ ئێك ب نوونهراتیا لقێ ئێك ل گهل ڤان وهلاتیان ئاخڤت و سۆزدایێ كو ب رێیا لقێ ئێك كێشهیا وان ب مهرهما دیتنا چارهیهكێ بگههینیته جهێن كارگێرى و پهیوهندیدار.
ليست هناك تعليقات:
إرسال تعليق