بڕیاره ل رۆژا شه‌مبی یان ئێكشه‌مبی نوری مالكی ناڤێت پۆستێن لژنا ئێمناهیێ پێشكێشی په‌رله‌مانی بكه‌ت ژ بۆ په‌سه‌ندكرنێ و دبیت فه‌یسه‌ل روستینكی بۆ پۆستی هه‌والگه‌ریا عیراقێ بهێته دانان.
راوێژكارێ نوری مالكی بۆ كاروبارێن هه‌رێما كوردستانێ، عادل به‌رواری، بۆ خه‌ندان دیار كر كو ل حه‌فتیا بهێت دێ پۆستێن ئێمناهیێ هێنه ئێكلاكرن و گۆت "دبیت پۆستی هه‌والگه‌ریا عیراقێ بۆ كوردان بیت، یان ژی دێ پۆستێ ئاسایشا نشتیمانی بۆ كوردان بیت، لێ هه‌والگه‌ری بۆ كوردان گرنگتره".
زێده‌تر گۆت "دبیت ئه‌ڤ پۆسته بۆ فه‌یسه‌ل ئه‌مین روستینكی بیت، چونكو ئه‌ڤه ژ سالا 2003 تا نوكه جێگراتیا ڤی پۆستی دكه‌ت و شاره‌زایه‌كا باش بۆ دروست بوویه و ب دیتنا من دێ شێت رۆلێ خۆ د ڤی پۆسته‌ی دا گێریت".
عادل به‌رواری خۆیا كر كو سه‌ركردایه‌تیا سیاسی دێ كه‌سه‌كی هه‌لبژێریت و گۆت "ئه‌گه‌ر روستینكی نه‌هاته هه‌لبژارتن ژی، دبیت كه‌ریم شنگالی بۆ ڤی پۆسته‌ی بهێته هه‌لبژارتن، لێ ئه‌گه‌ر ئه‌و ژی بهێته هه‌لبژارتن خودان كه‌سایه‌تیه‌كا باشه و شاره‌زایه‌كا گه‌له‌ك باش یا د ڤی واری دا هه‌ی".
ليست هناك تعليقات:
إرسال تعليق