السبت، 5 فبراير، 2011

ئایار رۆژی راپرسی چاره‌نووسی گه‌لی كورده‌

کەمپینی راپرسی بۆ دیارکردنی چارەنووسی خەڵکی کوردستان، له‌به‌یاننامه‌یه‌كی خۆیدا رایده‌گه‌یه‌نێت كه‌ ئه‌وان دوای راوێژكردن بڕیاریان داوه‌ رۆژی 1 ئایار " مایس " 2011 بكه‌نه‌ رۆژی راپرسی بۆ دیاریكردنی چاره‌نووسی و داوای ئه‌وه‌ش ده‌كات له‌ئێستا ده‌ستبكرێت به‌ په‌یوه‌ندی له‌گه‌ڵ دامو ده‌زگا نێوده‌وڵه‌تیه‌كان.

له‌به‌یاننامه‌یه‌كه‌ی ئه‌و كه‌مپینیه‌دا كه‌ وێنه‌یه‌كی بۆ رێگای كوردستان نێردراوه‌ هاتووه‌ "

راپرسی ئامرازی دیموکراسی راستەوخۆیە و ئەوپەڕی رێز نواندنە بۆ بیروبۆچوونی یەک بە یەکی تاکی کۆمەڵگە. نەتەوە یەکگرتووەکان لەپێناو سەقامگیرکردنی پێگەی ئاشتی و تەبایی لەنێو گەلان لە(مادەی ٥٥، بەشی ٩و بڕگەی٢ی مادەی١)و لە جاڕنامەی جیھانی مافی مرۆڤ (مادەی ١٥، بڕگەی٢) دووپاتی مافی چارەنووسی گەلان ده‌کاته‌وه‌، ھاوکات تێکڕای ئازادیخوازان و ھێز و بیرە پێشکەوتووخوازەکانی جیھان ئەم مافە بە رەوا دەزانن و پشتیوانی لێدەکەن".

ئه‌وه‌ش ئاشكرا ده‌كات كه‌ خەڵکی کوردستان لەو مافە نێونەتەوەیی، یاسایی و مرۆییە بێبەشکراوە. ئه‌و بێبەشکردنە شێوەیەکی روون و ئاشکرایە بۆ ھۆش و ھزر و دەسەڵاتی رەگەزپەرستیی. ئێمە لە بەرامبەریاندا خۆمان بە پابەندی جاڕنامەی جیھانی مافی مرۆڤ دەزانین و بەگوێرەی نێوه‌رۆکه‌که‌ی گوتاری خۆمان رادەگەیەنین.

ئه‌و به‌یاننامه‌یه‌ له‌سه‌ر زاری كه‌مپینه‌كه‌ ده‌ڵێت " ئێمە دەمانەوێ بە شێوەیەکی ئاشتیانە و بە ھۆش و ھزری ھەماھەنگیی و دۆستایەتی گەلان و بۆ دوورخستنه‌وه‌ی ئاگری جەنگ و ماڵوێرانی و ھەر رەفتار و تاوانێکی دژ بە مرۆڤایەتی کۆتایی بەو جۆرە راسیزمە بهێنین کە بە پەتی سێدارە و داپڵۆسین و میلیتاریزم و قەدەغەکردنی قوتابخانەی کوردی.. لە رۆژھەڵاتی ناوین فەرمانڕەوایی دەکەن، داوای پەیڕەوکردنی مافی یاسایی و مرۆیی راپرسی دەکەین بۆ ھەرێمی کوردستان و تەواوی خەڵکی کوردستان لە باکوور و رۆژھەڵات و رۆژئاوا".

بۆ سه‌رجه‌م هاوڵاتیانیش روونیده‌كاته‌وه‌ كه‌ رۆژی (١\٥\٢٠١١)مان بە رۆژی راپرسی بۆ دیارکردنی چارەنووسمان دیارکرد و لە ئێستاوە دەستبەکارین بۆ پەیویەندیکردن لەگەل دامودەزگا نێونەتەوەییەکان.

gihadsalih:

gihadsalih:

gihadsalih: شه‌پۆلێكی سه‌رماو سۆڵه‌و به‌فربارین هه‌رێمی كوردست...

gihadsalih: شه‌پۆلێكی سه‌رماو سۆڵه‌و به‌فربارین هه‌رێمی كوردست...: "دارا حه‌سه‌ن فه‌ره‌ج به‌رِێوه‌به‌ری كه‌شناسی و بومه‌له‌رزه‌ی سلێمانی به‌ PUKmedia ی راگه‌یاند: شه‌پۆلێكی سه‌رماوسۆڵه‌و به‌فربارین رووی له‌هه..."

شه‌پۆلێكی سه‌رماو سۆڵه‌و به‌فربارین هه‌رێمی كوردستان ده‌گرێته‌وه‌

دارا حه‌سه‌ن فه‌ره‌ج به‌رِێوه‌به‌ری كه‌شناسی و بومه‌له‌رزه‌ی سلێمانی به‌ PUKmedia ی راگه‌یاند: شه‌پۆلێكی سه‌رماوسۆڵه‌و به‌فربارین رووی له‌هه‌رێمی كوردستان به‌ تایبه‌ت سلێمانی كردووه‌و بووه‌ته‌هۆی دابه‌زینی پله‌كانی گه‌رما.
وتیشی: ئه‌م شه‌پۆله‌ 24 سه‌عات ده‌خایه‌نێت و جگه‌ له‌بارینی به‌فر له‌ناو شاری سلێمانی له‌ناوچه‌ شاخاوییه‌كانیشدا رێژه‌ی بارینی به‌فره‌كه‌ زۆرتره‌و پێشبینیش ده‌كرێت له‌ڕۆژانی شه‌ممه‌و یه‌كشه‌مه‌ی داهاتوو شه‌پۆلێكی دیكه‌ی سه‌رماوسۆڵه‌ رووبكاته‌ هه‌رێم و ببێته‌هۆی دابارینی باران و به‌فر كه‌ ئه‌مه‌ش راسته‌وخۆ كاریگه‌ی ده‌بێت له‌سه‌ر باشتربوونی كشتوكاڵ به‌رزكردنه‌وه‌ی ئاستی ئاو.
له‌لایه‌كی دیكه‌وه‌ به‌رپرسانی هاتووچۆی هه‌رێمیش داوا له‌شۆفێران ده‌كه‌ن زیاتر پابه‌ندی رێنماییه‌كانی هاتووچۆ بن و خێرایی لێخورِینیان كه‌مبكه‌نه‌وه‌ تا روداوی هاتووچۆی لێنه‌كه‌وێته‌وه‌.
ئه‌مه‌ له‌كاتێكدایه‌ كه‌ له‌ 48 سه‌عاتی رابردوودا له‌شاری سلێمانی به‌هۆی به‌ستنی شه‌قه‌مه‌كان و خلیسكانه‌وه‌ چه‌ندین روداوی هاتووچۆ تۆماركراون و به‌هۆشیانه‌وه‌ جه‌ندین كه‌س برینداربوون و زیانی ماددیشیان لێكه‌وتووه‌ته‌وه‌.

ره‌گه‌زنامه‌ی‌ قوربانیانی‌ ناوفرۆكه‌كه‌ به‌ریتانی‌ و ئه‌مریكی‌ وئیسپانی و عێراق و لوبنان و ئوردنی‌ بوون

خه‌ندان، ئیسماعیل حه‌مه‌ره‌حیم ـ
به‌رێوه‌به‌ری‌ فرۆكه‌خانه‌ی‌ سلێمانی‌ ئه‌وه‌ی‌ ئاشكراكرد ئه‌مرۆ ته‌رمی‌ قوربانیانی‌ ناوفرۆكه‌ گرگرتووه‌كه‌ی‌ سلێمانی‌ ره‌وانه‌ی‌ ولاَتانی‌ خۆیان ده‌كرێته‌وه‌، لیژنه‌ی‌ به‌دوواداچونه‌كه‌ش ده‌سبه‌كاری‌ خۆیان ده‌كه‌ن.

ئه‌ندازیار تاهیر عه‌بدولاَ به‌رێوه‌به‌ری‌ فرۆكه‌خانه‌ی‌ سلێمانی‌ به‌سایتی‌ خه‌ندانی‌ راگه‌یاند رێوشوێنی‌ یاسایی بۆ ته‌رمی‌ قوربانیان ته‌واو بووه‌و ئه‌گه‌ری‌ هه‌یه‌ ئه‌مرۆ ره‌وانه‌ی‌ ولاَتانی‌ خۆیان بكرێنه‌وه‌.

وتیشی‌" به‌پێی‌ لێكۆڵینه‌وه‌كان قوربانیان بازرگان بوون و ره‌گه‌زنامه‌ی‌ به‌ریتانی‌ و ئه‌مریكی‌ ئیسپانییان هه‌بووه‌، هه‌ربۆیه‌ به‌هاوكاری‌ سه‌فاره‌تی‌ ئه‌و ولاَتانه‌ ته‌رمه‌كان ره‌وانه‌ی‌ ولاَتی‌ خۆیان ده‌كرێنه‌وه‌، ئه‌مه‌سه‌ره‌رای‌ ئه‌وه‌ی‌ كۆمپانیای‌ ئاسیاسیل كاری‌ دابینكردنی‌ فرۆكه‌و هه‌ندێك كاری‌ دیكه‌ی‌ بۆده‌كات.

لایخۆشیه‌وه‌ عه‌بدولاَ حه‌سه‌ن به‌رێوه‌به‌ری‌ په‌یوه‌ندییه‌كان وراگه‌یاندنی‌ كۆمپانیای‌ ئاسیاسێل به‌ سایتی‌ خه‌ندانی‌ راگه‌یاند سه‌رجه‌م قوربانیان میوانی‌ فاروقی‌ مه‌لامسته‌فابوون، قوربانیانیش بریتی بوون له‌گه‌وره‌ بازرگانان و بۆ مه‌به‌ستی‌ بازرگانی‌ كردن و سه‌رمایه‌ گوزاری‌ هاتبونه‌ شاری‌ سلێمانی‌.

وتیشی‌" یه‌كێ‌ له‌قوربانیان به‌ناوی‌ باست ره‌حیم ئه‌ندامی‌ ره‌گه‌زنامه‌ی‌ عیراقی‌ و ئه‌نجومه‌نی‌ به‌رێوه‌بردنی‌ ئاسیابووه‌و یه‌كێ‌ له‌هاورێكانی‌ به‌ناوی‌ عه‌بدوڵلاَ یوسف كه‌ره‌گه‌زی‌ به‌ریتانی‌، موراد مایكل به‌ره‌گه‌ز ئه‌مریكی‌ و به‌رێوه‌به‌ری‌ جێبه‌جێكاری‌ بانكی‌ جه‌ی‌ پی‌ مۆرگنی‌ نێوده‌وڵه‌تی‌ و خافێرسۆریتا ره‌گه‌زنامه‌ی‌ ئیسپانی‌ و رێگه‌پێدراوی‌ بانكی‌ ناوبراو بۆ ئاسیای‌ ناوه‌راست و خۆرهه‌لاًَتی‌ ناوه‌راست و ئه‌فریقا و توركیا و مروان و عه‌بدوڵلاَ فرۆكه‌وانی‌ فرۆكه‌كه‌بوون و ره‌گه‌زنامه‌یان لوبنانی‌ ستیفنی‌ به‌ره‌گه‌ز ئوردنی‌ كه‌كاری‌ خزمه‌تگوزاری‌ بووه‌ له‌ناو فرۆكه‌كه‌دا.

دوێنی‌ ئێواره‌ له‌كاتی‌ هه‌ستانیدا فرۆكه‌یه‌كی‌ تایبه‌تی‌ توركی‌ له‌فرۆكه‌خانه‌ی‌ سلێمانی‌ گری‌ گرت و سه‌رجه‌م سه‌رنشینانی‌ كه‌ 4 بازرگان و دووفرۆكه‌وان و 1 خزمه‌تگوزاربوون بوونه‌ قوربانی‌.

به‌رێوه‌به‌ری‌ فرۆكه‌خانه‌ی‌ سلێمانی‌ راشیگه‌یاند دووانیوه‌رۆی‌ ئه‌مرۆ تیمه‌تایبه‌ته‌كه‌ی‌ هێڵی‌ فرۆكه‌وانی‌ عیراقی‌ ده‌گه‌نه‌ سلێمانی‌ و ده‌سبه‌لێكۆڵینه‌وه‌ی‌ خۆیان ده‌كه‌ن له‌سه‌ر روداوه‌كه‌.

ئه‌وبه‌رپرسه‌ی‌ ئاسیاسێڵ ئه‌وه‌شی‌ راگه‌یاند ئێستا سه‌رقاڵی‌ رێوره‌سمی‌ ناردنه‌وه‌ی‌ ته‌رمه‌كانیین له‌هه‌مانكاتدا فرۆكه‌ی‌ ته‌رمه‌كانیش ئاماده‌كراوه‌.