الثلاثاء، 15 فبراير، 2011

imagine cup 2011، له‌ هه‌رێمی كوردستاندا

خه‌ندان -
بۆ یه‌كه‌مین جار له‌ هه‌رێمی كوردستاندا پێشبڕكێی imagine cup سازده‌كرێت كه‌ سه‌رجه‌م زانكۆكان به‌شداری تیادا ده‌كه‌ن.

imagine cup بۆنه‌یه‌كی ساڵانه‌یه‌ كه‌ كۆمپانیای مایكرۆسۆفت هه‌ر ساڵێك له‌ وڵاتێك ئه‌نجامی ده‌دات. ئه‌مساڵ پێشبڕكێكه‌ له‌ نیویۆرك له‌ ویلایه‌ته‌ یه‌كگرتووه‌كانی ئه‌مریكا سازده‌كرێت و بۆ یه‌كه‌مینجاره‌ هه‌رێمی كوردستان به‌فه‌رمی به‌شداریی تێدا ده‌كات. پێشبڕكێكه‌ ته‌كنۆلۆجیاكارانی لاو له‌ سه‌رانسه‌ری جیهانه‌وه‌ كۆده‌كاته‌وه‌ به‌مه‌به‌ستی چاره‌سه‌ركردنی گرانترین ئاسته‌نگه‌كانی جیهان، ئه‌مه‌ش له‌ڕێی به‌كارهێنانی ته‌كنۆلۆجیای زانیاری.

به‌پێی پرێس كۆنفرانسێك كه‌ له‌ شاری هه‌ولێر له‌ نێوان فه‌رمانگه‌ی ته‌كنۆلۆژیای زانیاری و كۆمپانیای مایكرۆسۆفتدا ئه‌نجامدرا، ئه‌مساڵیش ئه‌و كێبڕكێیه‌ له‌ هه‌رێمی كوردستاندا ئه‌نجام ده‌درێت و تیایدا سه‌رجه‌م خوێندكاره‌‌كانی زانكۆكانی هه‌رێمی كوردستان به‌شداری تیادا ده‌كه‌ن، دواتر گروپی یه‌كه‌م به‌شدار ده‌بێت له‌ كێبڕكێی نێوده‌وڵه‌ی imagine cup له‌ شاری نیویۆرك له‌ ویلایه‌ته‌ یه‌كگرتووه‌كانی ئه‌مریكا.

كێبڕكێكه‌ تایبه‌ت به‌ چاره‌سه‌ری پرۆگرامسازی و گه‌شه‌پێدانی پڕگۆرامسازی و هه‌ر گروپێك چاره‌سه‌ری خۆی پێشكه‌ش به‌ لیژنه‌ی هه‌ڵسه‌نگاندن ده‌كات و دواتر باشترین پرۆژه‌ هه‌ڵده‌بژێرێت.

به‌شداربووان له‌ تیمی چوار كه‌سی له‌سه‌ر ئاستی زانكۆ پێكدێن كه‌ هه‌ڵده‌ستن بۆ نه‌خشه‌ڕێژكردنی سۆفتوێرێكی چاره‌سه‌ر و پێشكه‌شكردنی بۆ بابه‌تێكی ده‌ستنیشانكراو له‌سه‌ر بنه‌مای یه‌كێك له‌ ئامانجه‌كانی هه‌زاره‌ی سێیه‌م بۆ گه‌شه‌پێدان كه‌ ڕێكخراوی نه‌ته‌وه‌ یه‌كگرتووه‌كان “The UN Millennium Development Goals” دایڕشتوون. ئامانجه‌كان بریتین له‌ ١. كۆتاییهێنان به‌ برسێتی و هه‌ژاریی؛ ٢. په‌روه‌رده‌ی جیهانی؛ ٣. یه‌كسانیی ڕه‌گه‌زیی؛ ٤.

ته‌ندروستی منداڵ؛ ٥. ته‌ندروستی دایكایه‌تی؛ ٦. به‌ره‌نگاربوونه‌وه‌ی نه‌خۆشیی ئایدز/ڤایرۆسی HIV؛ ٧. توانای به‌رده‌وامبوونی ژینگه‌یی؛ ٨. هاوبه‌شیی (شراكه‌) جیهانی.

ده‌رباره‌ی چۆنێتی به‌شداریكردنیش، بۆتان مه‌حمود عوسمان سه‌رۆكی فه‌رمانگه‌ ته‌كنۆلۆژیای زانیاری ڕایگه‌یاند؛ هه‌موو خوێندكارێك ده‌توانێت تاوه‌كو 1ی نیسانی 2011 پڕۆژه‌ ئاماده‌كراوه‌كه‌ی بنێرێت بۆ ئیمه‌یڵی (info@krgit.org) و دواتر له‌ 15ی نیساندا به‌شداربووان بانگێشت ده‌كرێت بۆ ئه‌كادیمیای ته‌كنۆلۆژیای زیانیاریی تاوه‌كو پڕۆژه‌كه‌ی پێشكه‌ش بكات و دواتر باشترین پڕۆژه‌ ده‌ستنیشان ده‌كرێت تاوه‌كو نوێنه‌رایه‌تی هه‌رێمی كوردستان بكات له‌ بۆنه‌ی Imagine Cup 2011ی جیهانی له‌ شاری نیویۆرك.

بارانبارین تا كۆتایی‌ ئه‌م هه‌فته‌یه‌ به‌رده‌وام ده‌بێت

خه‌ندان - رۆژنامه‌ی ئاسۆ -
ڕێژه‌ی‌ بارانبارین له‌ شاری‌ سلێمانی‌ گه‌یشتۆته‌ زیاتر له‌ (215) ملم و به‌ڕێوه‌به‌ری‌ فه‌رمانگه‌ی‌ كه‌شناسی‌ و بوومه‌له‌رزه‌ی‌ سلێمانیش پێشبینی‌ ده‌كات كه‌ شه‌پۆلی‌ بارانه‌كه‌ تا كۆتایی‌ هه‌فته‌ به‌رده‌وام بێت.

داراحه‌سه‌ن به‌ڕێوه‌به‌ری‌ گشتی‌ فه‌رمانگه‌ی‌ كه‌شناسی‌ و بومه‌له‌رزه‌ی‌ سلێمانی‌ به‌ئاسۆی‌ ڕاگه‌یاند؛ به‌هۆی‌ هاتنی‌ ئه‌و شه‌پۆله‌ی‌ له‌دوێنیوه‌ له‌ باكووری‌ هه‌رێمه‌وه‌ هاتۆته‌ ناوچه‌كانمان بۆته‌ هۆی‌ بارینی‌ باران و به‌فر له‌ناوچه‌ شاخاوییه‌كان و پله‌كانی‌ گه‌رما له‌هه‌ندێك شوێن بۆ ژێر سفر داده‌به‌زێنێت، به‌جۆرێك كه‌ به‌رزترین پله‌ (6بۆ8) بێت و نزمترین پله‌ش (2) پله‌ له‌ژێر سفره‌وه‌ تۆماربكرێت.

ئاماژه‌ی‌ به‌وه‌شدا كه‌ تا دوێنێ‌ زیاتر له‌ (215) ملم باران له‌سنووری‌ شاری‌ سلێمانی‌ باریوه‌ و پێشبینی‌ ده‌كرێت له‌م شه‌پۆله‌ش ڕێژه‌یه‌كی‌ باش باران له‌ ده‌شتاییه‌كان و به‌فر له‌ناوچه‌ شاخاوییه‌كان ببارێت و شه‌پۆله‌كه‌ش تا كۆتایی‌ هه‌فته‌ به‌رده‌وام ده‌بێت.

بكڕێن پارچه‌یێن ئه‌ردى ل ئه‌ڤریكێ نه‌رازیبوونا خۆ گه‌هانده‌ لقێ ئێك

دۆرێن 50 وه‌لاتیێن پارچه‌یێن ئه‌ردى ل سنورێ ده‌ڤه‌را ئه‌ڤریكێ كڕین، كێشه‌یا خۆ گه‌هاندنه‌ لقێ ئێكێ پارتى و لقێ ئێك سۆزدا كو كێشه‌یا وان بگه‌هینیته‌ جهێن په‌یوه‌ندیدار.

نوونه‌رێ ڤان وه‌لاتیان ب ناڤێ ( ح، ج )بۆ ئه‌ڤرۆ گۆت:مه‌ نێزیكى دو سێ هزار وه‌لاتیان به‌رى سێ - چوار سالان بۆ خۆ پارچه‌یێن ئه‌ردى ل ئه‌ڤریكێ كڕینه‌، لێ ڤێ دووماهیێ باژێرڤانیێ نه‌خشه‌ بۆ ئه‌ردێ ئه‌ڤریكێ كێشایه‌ و سێ چارێكا پارچه‌یێن مه‌ یێن ئه‌ردى یێن مه‌ كڕین كرینه‌ پرۆژه‌یێن خزمه‌تكارى كو ئه‌م ب چو ره‌نگه‌كى ڤێ چه‌ندێ قه‌بوول ناكه‌ین، ژ به‌ر كو مه‌ ب فه‌رمى ژ نڤێسیگه‌هێن كڕین و فرۆتنا ئه‌ردى كڕینه‌ و وى ده‌مى باژێرڤانى ل كیرێ بوو، بلا نه‌هێلابا ئه‌ڤ ئه‌رده‌ بهێنه‌ فرۆتن، له‌ورا مه‌ مافێ خۆ دڤێت چ بهێینه‌ قه‌ره‌بووكرن یان چاره‌یه‌كا دى.

وه‌لاتیه‌كێ دى ب ناڤێ بژار ره‌شید كو فه‌رمانبه‌ره‌ بۆ ئه‌ڤرۆ دیار كر ئه‌گه‌ر وى خۆ ل ژڤانیا و حكوومه‌تێ گرتبا ره‌نگه‌ 50 سالێن دى ئه‌رد وه‌رنه‌گرتبا و گۆت:نه‌من خانى هه‌یه‌ نه‌پارچه‌یا ئه‌ردى و چ پارێ من هه‌ى من دا ب پارچه‌یه‌كا ئه‌ردى، ڤێجا ئه‌م داخوازا مافێ خۆ دكه‌ین.

ئه‌ندازیاره‌كى ب ناڤێ سه‌برى موسا دیار كر كو وى موچه‌ موچه‌ پارێ خۆ یێ لێكداى هه‌تا پارچه‌یه‌كا ئه‌ردى ب 12 هزار و 500 دولاران كرى و گۆت:ب نه‌خشێ نوو یێ باژێرڤانیێ دێ زیانه‌كا مه‌زن گه‌هیته‌ مه‌ و ئه‌م داخوازا چاره‌یه‌كێ دكه‌ین.

هادى شنگالى ئه‌ندامێ لقێ ئێك ب نوونه‌راتیا لقێ ئێك ل گه‌ل ڤان وه‌لاتیان ئاخڤت و سۆزدایێ كو ب رێیا لقێ ئێك كێشه‌یا وان ب مه‌ره‌ما دیتنا چاره‌یه‌كێ بگه‌هینیته‌ جهێن كارگێرى و په‌یوه‌ندیدار.

ورده‌كاریی‌ رووداوه‌كه‌ بخوێنه‌ره‌وه‌: كوردێك له‌ به‌ریتانیا به‌ "دڕنده‌ی‌ تاوانبار" وه‌سفده‌كرێت، دوای‌ كوشتنی‌ خۆی‌ ، ژنه‌كه‌ی‌ و دوو منداڵی‌

خه‌ندان، Mail Online ـ
كوردێكی‌ عێراق، نیشته‌جێی‌ شاری‌ "لێسته‌ر"ی‌ به‌ریتانیا، به‌شێوه‌یه‌كی‌ "درندانه"‌ ژنه‌كه‌ی‌ و دوو منداڵی‌و خۆیشی‌ ده‌كوژێت.

ڕۆژی‌ شه‌ممه‌ی‌ ڕابردوو دوای‌ ئه‌وه‌ی‌ پۆلیسی‌ به‌ریتانیا ته‌رمی‌ ئارام عه‌زیزی‌ ته‌مه‌ن (32) ساڵه‌، كه‌ كوردی‌ عێراقه‌ له‌ یه‌كێك له‌ پاركه‌كانی‌ شاری‌ لیسته‌ر ده‌دۆزنه‌وه‌، بۆ ڕۆژی‌ دواتر پۆلیس سه‌ردانی‌ شوقه‌ی‌ (جۆی‌ سمۆڵ)ی‌ ته‌مه‌ن (24) ساڵه‌ی‌ هاوسه‌ری‌ ئارام ده‌كه‌ن، كاتێك ده‌چنه‌ ناو شوقه‌كه‌ جۆی‌‌و كوڕه‌ سێ‌ ساڵه‌كه‌‌و كچه‌ ته‌مه‌ن دوو ساڵه‌كه‌ی‌ به‌ كوژراویی‌ ده‌دۆزنه‌وه‌.

ئارام عه‌زیز كه‌ به‌ "دڕنده‌ی‌ تاوانبار" وه‌سفكراوه‌، پێشتر به‌نزینی‌ كردووه‌ به‌سه‌ر هاوسه‌ره‌كه‌یدا‌و به‌نیاز بووه‌ بیسو‌وتێنێت، هاوڕێكانی‌ جۆی‌ باسیان له‌وه‌ كردووه‌، كه‌ زۆر له‌ هاوسه‌ره‌ كورده‌كه‌ی‌ ترساوه‌، به‌شێوه‌یه‌ك هه‌ستاوه‌ به‌ دانانی‌ زه‌نگی‌ مه‌ترسی‌ له‌ شوقه‌كه‌یدا‌و هه‌میشه‌ له‌ترسی‌ هاوسه‌ره‌كه‌ی‌ چه‌كوشێكی‌ خستووه‌ته‌ ژێر سه‌رینه‌كه‌ی‌.

جۆی‌، ساڵی‌ ڕابردوو به‌هۆی‌ ناكۆییه‌كانیان له‌گه‌ڵ ئارامی‌ هاوسه‌ری‌ جیابووه‌ته‌وه‌، به‌ڵام دواتر گه‌ڕاوه‌ته‌وه‌‌و درێژه‌ی‌ داوه‌ به‌ ژیانی‌ خۆی‌، له‌و باره‌یه‌وه‌ "جاڤید گه‌زناڤی‌" هاوسه‌ره‌ پێشووه‌كه‌ی‌ جۆی‌، كه‌ كوڕێكی‌ حه‌وت ساڵیان هه‌بووه‌ ده‌ڵێت: "جۆی‌ ته‌نها له‌پێناو به‌رژه‌وه‌ندیی‌ دوو منداڵه‌كه‌ی‌ گه‌ڕاوه‌ته‌وه‌ لای‌ ئارام".

جاڤید گه‌زناڤی‌ باسی‌ له‌وه‌ كردووه‌، كه‌ پێش هه‌شت مانگ له‌مه‌وبه‌ر چاوی‌ به‌ جۆی‌ سمۆڵ كه‌وتووه‌‌و گفتوگۆیان پێكه‌وه‌ كردووه‌‌و جۆی‌ به‌ گریانه‌وه‌ پێی‌ وتووه‌، كه‌ كێشه‌ی‌ له‌گه‌ڵ ئارامدا هه‌یه‌‌و لێك جیابوونه‌ته‌وه‌، جاڤید ئاماژه‌ی‌ به‌وه‌كردووه‌، كه‌ ئارام هاوسه‌رێكی‌ باش نه‌بووه‌، هه‌ر بۆیه‌ جۆی‌ هه‌میشه‌ سه‌رقاڵی‌ كێشانی‌ حه‌شیشه‌‌و ماده‌ هۆشبه‌ره‌كان بووه‌،.

وتو‌وشیه‌تی‌:"دوو مانگ له‌مه‌وبه‌ر ئارامم بینی‌‌و پێی‌ وتم كه‌ من‌و جۆی‌ گه‌ڕاوینه‌ته‌وه‌ لای‌ یه‌كتر له‌پێناوی‌ دوو منداڵه‌كه‌مان".

"جه‌ینی‌ بلاند"ی‌ ته‌مه‌ن (27) ساڵه‌، كه‌ ئافره‌تێكی‌ هاوڕێی‌ "جۆی‌"ه‌ باسی‌ له‌وه‌كردووه‌، كه‌ جۆی‌ كه‌سێكی‌ باشبووه‌‌و دایكێكی‌ نموونه‌یی‌ بووه‌، ئاماده‌بووه‌ هه‌موو شتێك بكات له‌پێناو منداڵه‌كانی‌، به‌ڵام ئارامی‌ هاوسه‌ری‌ زۆر دڕنده‌ بووه‌‌و هه‌میشه‌ له‌ جۆیی‌ داوه‌‌و هه‌وڵیداوه‌ كه‌ جۆی‌ له‌ هاوڕێكانی‌ داببڕێت.

جه‌ینی‌ بلاند وتو‌وشیه‌تی‌:"دوای‌ جیابوونه‌وه‌یان، ئارام نامه‌یه‌كی‌ له‌ ڕێگه‌ی‌ مۆبایله‌كه‌یه‌وه‌ بۆ جۆی‌ ناردووه‌‌و هه‌ڕه‌شه‌ی‌ ئه‌وه‌ی‌ كردووه‌، كه‌ خۆی‌‌و دوومنداڵه‌كه‌ی‌ ده‌كوژێت، بۆئه‌وه‌ی‌ نه‌توانێت په‌یوه‌ندیی‌ له‌گه‌ڵ هیچ پیاوێكی‌ دیكه‌دا دروست بكات.

هاوڕێكه‌ی‌ جۆی‌ ئه‌وه‌ی‌ ئاشكراكردووه‌، كه‌ گه‌ڕانه‌وه‌ی‌ جۆی‌ بۆ لای‌ ئارام جێی‌ گومان بووه‌، پێشتر له‌ مانگی‌ (11)ی‌ تشرینی‌ دووه‌می‌ ساڵی‌ ڕابردوودا پۆلیس‌و لایه‌نی‌ كۆمه‌ڵایه‌تی‌ جۆیان ئاگاداركردووه‌ته‌وه‌ كه‌ ئه‌گه‌ر بگه‌ڕێته‌وه‌ لای‌ ئارام له‌پێناو پارێزگاریكردن له‌ژیانی‌ كوڕ‌و كچه‌كه‌ی‌، دوو منداڵه‌كه‌ی‌ لێ ده‌ستێنن.

وتو‌وشیه‌تی‌:"به‌هه‌رحاڵ ئێستا ڕۆحی‌ جۆی‌ ئاسو‌وده‌یه‌‌و ڕزگاری‌ بووه‌ له‌ هاوسه‌ره‌ دڕنده‌كه‌ی‌"

هاوسه‌ره‌ پێشووه‌كه‌ی‌ ئاماژه‌ی‌ به‌وه‌كردووه‌، ئارام كه‌ پیشه‌كه‌ی‌ فیته‌ر بووه‌ بۆ ماوه‌ی‌ سێ‌ ساڵ له‌گه‌ڵ جۆی‌ هاوسه‌ر بوون، وتو‌وشیه‌تی‌:"نازانم بۆ پۆلیس‌و لایه‌نه‌ كۆمه‌ڵایه‌تییه‌ په‌یوه‌ندیداره‌كان یارمه‌تی‌ جۆی‌‌و دوو منداڵه‌كه‌یان نه‌دا كه‌ ئاگادار بوون له‌ هه‌لومه‌رج‌و مه‌ترسیی‌ هاوسه‌ره‌كه‌ی‌.

له‌باره‌ی‌ ڕووداوه‌كه‌وه‌ وته‌بێژی‌ پۆلیسی‌ شاری‌ لێسته‌ر ڕایگه‌یاندووه‌: به‌پێی‌ یاسا دۆسییه‌ی‌ كوشتنه‌كه‌ جێی‌ گومانه‌‌و لێكۆڵینه‌وه‌ به‌رده‌وامه‌، به‌ڵام له‌گه‌ڵ ئه‌وه‌شدا پۆلیس به‌دوای‌ هیچ كه‌سێكی‌ گومانلێكراودا ناگه‌ڕێت.