http://www.facebook.com/pages/ئێمه-هه-موومان-لقى-چوارى-پارتین/131121093623638?ref=mf&sk=wall

http://www.facebook.com/pages/ئێمه-هه-موومان-لقى-چوارى-پارتین/131121093623638?ref=mf&sk=wall

گۆڕان: ئێمە هەڵوێستی خۆمان بەجیا لەرێگەى بەیاننامەیەكەوە رادەگەیەنین

شوبات/فێبرایەر (ئاكانیوز) ـ ئەمڕۆ دووشەم سەرچاوەیەك لە بزووتنەوەى گۆڕانی بەشدار لە كۆبوونەوەی حزبە كوردستانییەكان لە هەولێر گوتى ئێمە هەڵوێستی خۆمان بەجیا لە رێگەى راگەیاندنەكانى بزووتنەوەى گۆڕانەوە رادەگەیەنین.

زانا رەووف ئەندامى پەرلەمانى كوردستان لە بارستەى گۆڕان لە كاتى هاتنە دەرەوەى لە كۆبوونەوەى ئەمڕۆى تەلارى ئەنجوومەنى وەزیران لە هەولێر بەئاژانسی كوردستان بۆ دەنگوباس (ئاكانیوز)ى راگەیاند، ئێمە بەجیا هەڵوێستی خۆمان رادەگەیەنین، بەبێ ئەوەى ئاماژە بەگەڵاڵەكردنى هیچ رێككەوتنێكی سیاسی نێوان حزبە كوردستانییەكان بكات و یا بەشداریی كۆنگرە رۆژنامەوانییەكەى ئەمڕۆ بكات، كە بڕیارە پاش كەمێكی تر بێتە ئەنجام دان.

ئەمڕۆ كۆبوونەوەیەك بەسەرپەرشتیی بەرهەم ئەحمەد ساڵح سەرۆكی حكوومەت و نوێنەرانی هەریەك لە یەكێتیی نیشتمانیی كوردستان، پارتی دیموكراتی كوردستان، یەكگرتووی ئیسلامی، كۆمەڵی ئیسلامی، بزووتنەوەی ئیسلامی و بزووتنەوەی گۆڕان دەستی پێ كرد.

سەرچاوەیەكی ئاگەداریش راى گەیاند دوای كۆبوونەوەكە لە كۆنگرەیەكی ڕۆژنامەوانیدا ئەنجامەكان بۆ ڕۆژنامەوانان دەخرێتە ڕوو.

ئاماژەی بەوەش كرد "كۆبوونەكە بۆ هێوركردنەوەی دۆخی ئێستە هەرێم بەتایبەت شاری سلێمانییە، كە لە 17ی ئەم مانگەوە دۆخێكی ناهەمواری بەخۆیەوە بینیوە".

لە هەژار محەمەدەوە، ن: محەمەد عەبدوڕەحمان