الأربعاء، 9 فبراير، 2011

له‌ كۆبونه‌وه‌ی‌ بارزانی‌ و لایه‌نه‌كانی‌ كوردستان: چاكسازی‌ و یەك هەڵوێستی بەرامبەر بە مەسەلە چارەنووسسازەكان

خه‌ندان، KRP ـ

سه‌رۆكی‌ هه‌رێم له‌گه‌ڵ لایه‌نه‌ كوردستانییه‌كان كۆبویه‌وه‌ و داوایكرد ئه‌م ساڵ بكرێته‌ ساڵی نەهێشتنی گەندەڵی و ئەنجامدانی چاكسازی پێویست لە هەموو بوارەكاندا و ساڵی یەك هەڵوێستی بەرامبەر بە مەسەلە چارەنووسسازەكان.


ئەمرۆ چوارشەممە 9/2/2011، مسعود بارزانی سەرۆكی هەرێمی كوردستان لە سەڵاحەدین و بە ئامادەبوونی سەرۆكی پەرلەمانی كوردستان و سەرۆكی حكومەتی هەرێم جارێكی تر لەگەڵ لایەنە كوردستانییەكان جگه‌ له‌ گۆڕان كۆبووەوە.

كۆبوونەوەكە وەك درێژەپێدەری كۆبوونەوەی هەفتەی رابردوو بوو كە تیایدا سەرۆك بارزانی داوای لەو لایەنانە كردبوو كە ئەگەر هەر تێبینی و زانیاریەكیان لەسەر گەندەڵی و كەموكورتیەكان هەبێ‌ لە كۆبوونەوەی داهاتوودا بە بەڵگە بیخەنەڕوو بۆ ئەوەی پەرلەمان و حكومەت و سەرجەم هێزە سیاسییەكان بەشداربن لە بەرەوپێش بردنی رەوتی چاكسازی و نەهێشتنی كەموكورتیەكان و باشتركردنی رەوشی هاوڵاتیان و پەرەپێدان بە ئەزموونە حوكمرانی و دیموكراسیەكەی هەرێم.

لە كۆبوونەوەكەدا ، سەرۆك بارزانی ئاماژەی بەوەكرد كە لە كاتی هەڵبژاردن هەر لیستێك بەرنامەی خۆی هەبوو ، ئەگەر دەیانەوێ‌ هەر ئیزافەیەك لەسەر ئەو بەرنامەیەی خۆیان بكەن یان هەر پێشنیارێكیان هەبێ‌ با بە نووسین بیدەنە سەرۆكایەتی هەرێم ، چونكە ئەزموونەكەی كوردستان پێویستی بە پەرەپێدان هەیە و دەبێ‌ هەموومان بەشداری لەو پەرەپێدانەیدا بكەین و بە یەك گیان دەستكەوتەكانی بپارێزین و بەرەو پێشتری ببەین. ئێمە لە حوكمرانیدا تازەین و هەموومان پێمان وایە كەموكورتی هەیە و ئەمەش شتێكی سروشتییە ، چونكە خەڵكانێك هەن دەیان ساڵە حكومەتن كە چی هێشتا كەموكورتیان زۆرە. هەرێمی كوردستان هەرێمی هەمووانە و خەڵكیش ئازادە چۆن بیر دەكاتەوە، بەڵام ئەو ئازادییە دەبێ‌ لە چوارچێوەی یاسادا بێت ، هەر كەسێك دەتوانێ‌ داوای دەست لە كاركێشانەوەی حكومەت بكات بەڵام مافی ئەوی نییە داوای هەڵوشانەوەی پەرلەمان بكات ، چونكە ئەگەر پەرلەمان هەڵوەشایەوە ئەو كات هەموو شتێك كۆتایی پێ‌ دێت.

وتيشى "پاراستنی ئاسایشی نەتەوەییمان لە هەموو كەس و لایەن گرنگترە و هەر كەس و لایەنێكیش دژی ئەو ئاسایشە رەفتار بكات پێویستە داوای لێبوردن لە خەڵك بكات."

سەبارەت بە دیاردەی گەندەڵیش ، سەرۆك بارزانی تەئكیدی لەوەكردەوە كاتێ‌ باسی گەندەڵی دەكرێ‌ پێویستە شوێنی گەندەڵییەكە دەستنیشان بكەین ، بۆیە ئەگەر پێتان باش بێت پێشنیاری پێكهێنانی لیژنەیەك دەكەم لە ئێوە بۆ ئەوەی پێكەوە كار بۆ ئەو مەسەلەیە بكەن ، یانیش هەر لایەنێك بە نووسین و زۆر بە شەفافیەتەوە دەستنیشانی دیاردەكە بكەن و بۆ سەرۆكایەتی هەرێمی بنێرن بۆ ئەوەی هەم پەرلەمان و هەمیش حكومەت رێوشوێنی یاسایی بگرنەبەر. من بە دڵ و گیان دژی گەندەلیم و خەباتی پێشمەرگایەتیشم بە هۆی ئەو دیاردەیەوە لەكەدار ناكەم.

بارزانى وتيشى "با ئەم ساڵە هەموومان بیكەینە ساڵی تەبایی و تەواوكردنی یەكخستنی دامودەزگاكانی هەرێم و هەروا ساڵی نەهێشتنی گەندەڵی و ئەنجامدانی چاكسازی پێویست لە هەموو بوارەكاندا و ساڵی یەك هەڵوێستی بەرامبەر بە مەسەلە چارەنووسسازەكاندا.دوو ساڵ ماوە بۆ كۆتایی هاتنی سەرۆكایەتیەكان و پاش ئەو ماوەیەش جارێكی تر دەگەڕێینەوە بۆ رای میللەت و هەر میللەتیش دوا بڕیاری خۆی دەدات و دەبێ‌ هەموومان ملكەچی ئەو بڕیارەی میللەت بین."

هەروا سەرۆك بارزانی داوای كرد كە دادگەری كۆمەڵایەتی بكرێتە ئامانجی سەرەكی پەرلەمان و حكومەت و گشت دامودەزگاكانی دیكە.

پاشان هەر یەك لە ئامادەبووان راو سەرنجی لایەنەكەی خۆیان خستەڕوو و هەر هەمووشیان تەئكیدیان لەوەكردەوە كە ئەو واقیعەی كوردستان بە بەراورد لەگەڵ زۆربەی وڵاتاندا زۆر لە پێشترە و بوونی تێبینی لەسەر ئەدای حكومەت لە هەموو دنیادا باوە بە حزبە دەسەڵاتدارەكانیشەوە و گەلی كوردستانیش تا ئێستا قۆناخی رزگاریخوازیان نەبڕیوە . هەروا ئاماژە بۆ ئەوەكرا كە ئەگەر گەندەڵی هەیە با بەڵگەوە دەستنیشان بكرێ‌ ، ناكرێ‌ ئەم دیاردەیە یان ئەم ناوە بۆ موزایەدەی سیاسی بەكار بێت و داواش كرا كە دەزگای نەزاهە لە كوردستان دروست بكرێ‌ و داواكاری گشتی دیوانی چاودێری داراییش كاراتر بكرێن و هەر هەموو ئامادەبووانیش كۆك بوون لەسەر بوونی ئۆپۆزسیۆنێكی ئیجابی كە بە باش بڵێ‌ باش و بە هەڵەش بڵێ‌ هەڵە و كەسیش نابێ‌ دژی چاكسازی بێ‌ ، بە مەرجی ئەو چاكسازییە بۆ بە هێزكردنی ئەزموونەكە هەرێم بێت ، نەك رووخاندنی .

لە كۆتایی كۆبوونەوەكەدا گشت لایەنە سیاسیەكان پێیان باش بوو كە هەر لایەنێك بە راپۆرتێك زانیارییەكانی خۆی بداتە سەرۆكایەتی هەرێم و سەرۆكایەتی هەرێمیش بە هەماهەنگی پەرلەمان و حكومەت دەست بە چارەسەرییان بكات و ئەو جۆرەكۆبوونەوانەش بەردەوام بن بۆ ئەوەی لایەنە سیاسیەكان بەشداربن لە موتابەعەكردنی ئەو مەسەلانە.

رونكردنه‌وه‌یه‌ك له‌فڕۆكه‌خانه‌ی نێوده‌وڵه‌تی سلێمانییه‌وه‌ له‌باره‌ی كه‌وتنه‌خواره‌وه‌ی فڕۆكه‌كه‌وه‌

به‌ڕێوه‌به‌ری راگه‌یاندی فڕۆكه‌خانه‌ی سلێمانی رایگه‌یاند هێشتا ئه‌نجامی لێكۆڵینه‌وه‌ی هۆكاره‌كانی كه‌وتنه‌خواره‌وه‌ی ئه‌و فڕۆكه‌یه‌ی كه‌ شه‌وی -42 له‌كاتی فڕینیدا له‌فڕۆكه‌خانی سلێمانی گڕیگرت ئاشكرانه‌كراووه‌، به‌ڵام له‌ هه‌ندێك كه‌ناڵ و ده‌زگای راگه‌یاندن چه‌ند نوسینێك بڵاوكراونه‌ته‌وه‌و شیكردنه‌وه‌ی جۆراوجۆر بۆ هۆكاری كه‌وتنه‌خواره‌وه‌ی فڕۆكه‌كه‌ كراوه‌.
زانا محه‌مه‌د راشیگه‌یاند: له‌كاتی رودانی ئه‌مجۆره‌ كاره‌ستانه‌دا وه‌ك یاسای فڕۆكه‌وانی ناكرێت هیچ زانیاریه‌ك دزه‌بكاته‌ ناو كه‌ناڵه‌كانی راگه‌یاند تا لیژنه‌ی لێكۆڵینه‌وه‌ له‌كاره‌كانیان نه‌بنه‌وه‌.
زانیاری زیاتر له‌م راپۆرته‌دا ده‌بیستن..

پرۆژه‌كانی‌ وه‌زاره‌تی‌ كار بۆ گه‌نجان و لاوان و بێ‌ كاران

پیشه‌یی‌ له‌شاری‌ هه‌ولێر، بۆ راگه‌یاندنی‌ چه‌ند پرۆژه‌یه‌كی‌ گرنگی‌ وه‌زاره‌تی‌ كارو كاروباری‌ كۆمه‌لاَیه‌تی‌ حكومه‌تی‌ هه‌رێمی‌ كوردستان بۆ گه‌نجان و لاوان و بێ‌ كاران له‌هه‌رێمی‌ كوردستان كۆنگره‌یه‌كی‌ رۆژنامه‌وانی‌ به‌ڕێوه‌چوو. كه‌ هه‌ریه‌ك له‌م پرۆژانه‌ ده‌بێته‌ مایه‌ی‌ سود و ده‌رفه‌تێك بۆ خه‌ڵكی‌ خۆمان تاكو له‌ هه‌رێمه‌كه‌ی‌ خۆیاندا به‌كارو پیشه‌ی‌ جۆراو جۆر ئاشنا بكرێن و سود له‌تواناكانیان وه‌ربگیردرێت.

پرۆژه‌ی‌ یه‌كه‌م: پرۆژه‌ی‌ كار بۆ هه‌مووان
ئاماژه‌ به‌ بریارێكی‌ سه‌رۆكایه‌تی‌ ئه‌ نجومه‌نی وه‌زیران كه‌ تایبه‌ ته‌ به‌ پرۆژه‌ی‌ (كار بۆ هه‌مووان) ، وه‌زاره‌تی‌ كارو كاروباری‌ كۆمه‌لاَیه‌تی‌ هه‌ڵده‌ستێت به‌راگه‌یاندنی‌ ئه‌م پرۆژه‌و ده‌ركردنی رێنمایی تایبه‌ت بۆ دابینكردنی هه‌لی كار بۆ هه‌مووان. سروشتی پرۆژه‌كه‌ بریتیه‌ له‌ دابین كردنی (3000) هه‌لی كار بۆ پرۆژه‌و كۆمپانیاكانی‌ كه‌رتی تایبه‌ت له‌ ماوه‌ی 3 ساڵدا بۆ بێكاران له‌ ده‌رچوانی كۆلێژو په‌یمانگاو مه‌شقه‌ پیشه‌ ییه‌كان به‌رامبه‌ر به‌ پێدانی یارمه‌تیه‌كی‌ مادی كه‌ وه‌زاره‌تی كارو كاروباری كۆمه‌لاَیه‌تی ده‌یدات به‌ خاوه‌ن كار به‌رامبه‌ر هه‌ر هه‌لێكی كار كه‌ خۆی دابینی ده‌كات بۆ بێ كارێك كه‌بڕه‌كه‌ی‌ بریتیه‌ له‌ 150 هه‌زار دینار.

ئه‌ویش به‌پێی‌ ئه‌م مه‌رجانه‌ی‌ خواره‌وه‌:

1- پێویسته‌ پرۆژه‌كه‌ پرۆژه‌یه‌كی بچوك بێت و ژماره‌ی كرێكاره‌كانی یاخود كارمه‌نده‌كانی‌ له‌ (10) كرێكار زیاتر نه‌بێت, پرۆژه‌ی به‌رهه‌م هێن و پیشه‌سازی و خزمه‌ت گوزاری بێت و كاره‌كه‌ به‌رده‌وام بێت و كاتی نه‌بێت.

2- پێویسته‌ هاولاَتی بێكار ده‌رچوی كۆلێژ یا په‌یمانگا یا ئاماده‌یی یاخود خوله‌كانی‌ یه‌كه‌كانی مه‌شقی پیشه‌یی بێت و ناوی‌ تۆماركرابێت له‌به‌رێوه‌به‌رایه‌تیه‌كانی‌ به‌كارخستن و ڕاهێنانی‌ پیشه‌یی‌ , هه‌روه‌ها دانیشتووی‌ هه‌رێمی‌ كوردستان بێت ته‌مه‌نی‌ له‌ 18 ساڵ كه‌متر نه‌بێت و پێشتر له‌و جێگایه‌ كاری‌ نه‌كردبێت. بۆ ئه‌مه‌ش وه‌زاره‌تی‌ كارو كاروباری‌ كۆمه‌لاَیه‌تی‌ بڕی‌ ( 150000) هه‌زار دینار ده‌دات به‌خاوه‌ن كار به‌رامبه‌ر كارپێكردنی‌ هه‌ربێ‌ كارێك. بۆ نمونه‌ ئه‌گه‌ر كرێكارێك مانگانه‌ بڕی‌ 300 هه‌زار دینار له‌ خاوه‌ن كارێك وه‌ربگرێت هاوشانی‌ كرێكاره‌كانی‌ تر، ئه‌وا وه‌زاره‌تی‌ كاروكاروباری‌ كۆمه‌لاَیه‌تی‌ بڕی‌ 150 هه‌زار دینار له‌رێگای‌ خاوه‌ن كاره‌كه‌ ده‌دات به‌كرێكاره‌كه‌. له‌لایه‌ن خۆشیه‌وه‌ پێویسته‌ خاوه‌ن كاركه‌ بڕی‌ 150 هه‌زار دیناره‌كه‌ی‌ تر بدات به‌كرێكاره‌كه‌..

3- نابێت ئه‌و بێكاره‌ی‌ كه‌كاری‌ بۆده‌دۆزرێته‌وه‌ خاوه‌ن كاره‌كه‌ دوای‌ ( 1 ساڵ) كۆتایی‌ به‌راژه‌ی‌ ئه‌م كرێكاره‌ بهێنێت. ئه‌گه‌ر وای كرد ده‌بێت خاوه‌ن كاره‌كه‌ هه‌موو ئه‌و پاره‌یه‌ی‌ كه‌ له‌ وه‌زاره‌تی‌ كاروكاروباری‌ كۆمه‌لاَیه‌تی‌ وه‌ری‌ گرتووه‌ پێوسته‌ هه‌مووی‌ بگه‌رێنێته‌وه‌ بۆ وه‌زاره‌ت. چونكه‌ گرێبه‌ست له‌نێوان خاوه‌ن كارو وه‌زاره‌ت هه‌یه‌.


پرۆژه‌ی‌ دووه‌م: ده‌ستپێكردنه‌وه‌ی‌ خوله‌كانی‌ مه‌شقی‌ پیشه‌یی‌:
له‌باره‌ی‌ خوله‌كانی‌ مه‌شق و راهێنانی‌ پیشه‌یی‌ هه‌ر لێره‌یه‌وه‌ به‌ گه‌نجان و لاوانی‌ خۆمان راده‌گه‌ینین كه‌وه‌زاره‌تی‌ كارو كاروباری‌ كۆمه‌لاَیه‌تی‌ له‌درێژه‌ی‌ هه‌وڵه‌كانی‌ بۆ كه‌مكردنه‌وه‌ی‌ دیارده‌ی‌ بێ‌ كاری‌ و به‌مه‌به‌ستی‌ پێگه‌یاندنی‌ گه‌نجان و لاوانی‌ هه‌رێمی‌ كوردستان. به‌پێی‌ بڕیارێك له‌هه‌رسێ‌ شاره‌كه‌ی‌ هه‌رێمی‌ كوردستان به‌ره‌سمی‌ ده‌ست ده‌كاته‌وه‌ به‌كردنه‌وه‌ی‌ خوله‌كانی‌ مه‌شق و راهێنانی‌ پیشه‌یی‌. بۆ ئه‌م مه‌به‌سته‌ش له‌چه‌ند رۆژی‌ رابردوو و له‌رۆژانی‌ داهاتووشداگه‌نجان و لاوانی‌ هه‌رێمی‌ كوردستان ده‌توانن ناوی‌ خۆیان له‌ به‌ڕێوه‌به‌رایه‌تیه‌كانی‌ به‌كارخستن و راهێنانی‌ پیشه‌یی‌ له‌ هه‌ولێر و سلێمانی‌ و دهۆك تۆمار بكه‌ن بۆ به‌شداربوون له‌م خولانه‌ كه‌ خوله‌كان به‌یانیان و ئێواران به‌رده‌وام بێت و ده‌بێته‌ هانده‌رێك بۆ گه‌نجان و لاوان تاكو له‌رێگای‌ ئه‌م خولانه‌وه‌ ئاشنای‌ كارێك بكرێن. كه‌ خوله‌كانیش بریتین له‌ خولی‌ ( كۆمپیوته‌ر – كاره‌با – دروومان – ساركه‌ره‌وه‌ – دارتاشی‌ – موه‌لیده‌ – لكاندن – هتد ) خوله‌كان به‌خۆڕاین و خه‌رجی‌ رۆژانه‌ی‌ هه‌ر به‌شداربوێكیش دابین ده‌كرێت و سبه‌ش به‌ره‌سمی‌ ده‌ست ده‌كرێت به‌كردنه‌وه‌ی‌ خوله‌كان له‌هه‌رسێ‌ پارێزگاكه‌ی‌ كوردستاندا.
به‌ڵێنی‌ ئه‌وه‌ش ده‌ده‌ین له‌داهاتوویه‌كی‌ نزیكدا هه‌ریه‌ك له‌سه‌نته‌ری‌ كۆری‌ كوردستانی‌ و بنكه‌ی‌ مه‌شق و راهێنانی‌ پیشیه‌ی‌ سۆران و هه‌روه‌ها بنكه‌ی‌ مه‌شق و راهێنانی‌ پیشه‌یی‌ كه‌لار بكرێنه‌وه‌.


پرۆژه‌ی‌ سێیه‌م: قه‌رزی‌ بچوك له‌داهاتوودا
هه‌ر له‌ چوارچێوه‌ی‌ به‌رنامه‌ی‌ وه‌زاره‌تی‌ كارو كاروباری‌ كۆمه‌لاَیه‌تی‌ بۆ ساڵی‌ 2011 بڕیارمانداوه‌ له‌داهاوویه‌كی‌ نزیكدا چه‌ند پرۆژه‌یه‌كی‌ تر بۆ گه‌نجان و لاوان و بێ‌ كاران له‌هه‌رێمی‌ كوردستان بخه‌ینه‌ به‌رنامه‌ی‌ جێبه‌جێكردنه‌وه‌، له‌وانه‌ پرۆژه‌ی‌ پێدانی‌ قه‌رزی‌ بچوك بۆ بێ‌ كاران كه‌ وابڕیاره‌ ئه‌م پرۆژه‌یه‌ش له‌ده‌رفه‌تێكی‌ نزیكدا بكه‌وێته‌ بواری‌ جێبه‌جێكردنه‌وه‌ به‌جێبه‌جێكردنیشی‌ ده‌بێته‌ مایه‌ی‌ سودێكی‌ زۆر بۆ گه‌نجان و لاوانی‌ هه‌رێمه‌كه‌مان.


پرۆژه‌ی‌ چواره‌م: هه‌مواركردنه‌وه‌ی‌ یاسای‌ خانه‌نشین و ده‌سته‌به‌ری‌ كۆمه‌لاَیه‌تی‌:
له‌گه‌ڵ هه‌ستكردنمان بۆ بوونی‌ یاسایه‌كی‌ مۆدێرن و پێشكه‌وتوو به‌مه‌به‌ستی‌ پاراستن و ده‌سته‌به‌ركردنی‌ مافه‌كانی‌ كرێكاران له‌هه‌رێمی‌ كوردستان. به‌پێویستمان زانی‌ یاسای‌ خانه‌نشین و ده‌سته‌به‌ری‌ كۆمه‌لاَیه‌تی‌ كرێكاران هه‌مواربكه‌ینه‌وه‌ ، بۆ ئه‌مه‌ش له‌سه‌ر ئاستی‌ پارێزگاكان و دواتریش له‌كۆنفرانسێكی‌ فراواندا سه‌رجه‌م راو پێشنیاره‌كان یه‌ك خران و له‌پرۆژه‌یه‌كدا پێشكه‌ش به‌ حكومه‌ت و په‌رله‌مانی‌ كوردستان كرا. ئه‌وه‌ی‌ مایه‌ی‌ خۆشحاڵیشه‌ پرۆژه‌كه‌ ئێستا له‌ به‌رنامه‌ی‌ كاری‌ په‌رله‌ماندایه‌ بۆ گفتوگۆكردن. كه‌ هه‌ریه‌ك له‌هه‌مواركردنه‌كانی‌ نێو پرۆژه‌كه‌ له‌خزمه‌ت كرێكاران و پاراستنی‌ مافه‌كانیاندایه‌. به‌و هیوایه‌ن له‌په‌رله‌مانی‌ كوردستانیشدا پرۆژه‌كه‌ به‌سود و قازانجی‌ كرێكاران ته‌واو بێت.

هه‌ر لێره‌وه‌ش رایده‌گه‌یه‌نین به‌نیازین یاسای‌ كاری‌ كوردستان له‌هه‌رێمی‌ كوردستان دابڕێژین. هه‌ر لێره‌شه‌وه‌ داوا له‌پسپۆران و شاره‌زایانی‌ بواره‌كه‌ ده‌كه‌ین به‌ راو پێشنیاره‌كانیان هاوكارمان بن بۆ بوونی‌ یاسایه‌كی‌ مۆدێرنی‌ كار له‌كوردستان.

راگه‌یاندنی‌ وه‌زاره‌تی‌ كارو كاروباری‌ كۆمه‌ڵایه‌تی‌

ڤۆڵكس وه‌یگن ئۆتۆمبێلێكی تایبه‌ت به‌ كورته‌باڵاكان به‌رهه‌م ده‌هێنێت

ئه‌و وێنانه‌ی ده‌یبینن وێنه‌ی جۆره‌ ئۆتۆمبێلێكن كه‌ تایبه‌تن به‌ كورته‌باڵاكان و به‌رهه‌می كۆمپانیای ڤۆڵكس وه‌یگنی ئه‌ڵمانیایه‌.

دهوك سالانه‌ پێتڤی ب 240 ملیون لترێن گازا سپی یه‌

گازا سپی وه‌ك ژێده‌ره‌كێ گرنگ بو ژین وژیارا هاولاتیان یا رۆژانه‌ كو پێداویستیه‌كا هه‌ر مه‌ز ن پێ هه‌یه‌، وتیبه‌ت ل ده‌ڤه‌رێن به‌فر بارین و سرو سارما، له‌وما حكومه‌تا هه‌رێما كوردستانێ ژی به‌رده‌وام پێكولا دكه‌ت، گازا سپی ل سه‌ر هه‌می هاولاتیان ب یه‌كسانی دابه‌ش بكه‌ت.
رێڤه‌به‌ریا به‌رهه‌مێن گازێ دیاركر، گازا سپی به‌رده‌وام یا دهێته‌ به‌لاڤه‌كرن ول ده‌سپێكێ ل جهێن سار مایی لێ هه‌یی دهێته‌ به‌لاڤه‌كرن وه‌ك ئامێدیی و زاخو و ل ده‌وروبه‌رێن ئه‌ڤان چونكه‌ پرانیا ئه‌ڤان گوندان كاره‌ب نینه‌.
شوره‌ش مه‌محود ل رێڤه‌به‌ریا به‌رهه‌مێن گازێ ل دهوك ئاشكه‌راركر، دڤێت هه‌ر سال هه‌رخێزانه‌ك 6 به‌رمیلێن گازا سپی وه‌ربگریت، كو سالێ دڤێت 240 ملیون لترێن گازا سپی بومه‌ بهێن لێ نوكه‌ بومه‌ نیڤه‌ك دهێت، كو ئه‌وژی هه‌یڤانه‌ 12 ملیون لترێن گازا سپی دهێن.
نافهاتی ئاشكه‌راكرژی،ژبه‌ر بارودوخێ ئارامێ كوردستانێ و هاتنا خێزانان ژباشو و ناڤه‌راستا ئیراقێ ول پارێزگه‌ها دهوك نێشته‌جێوبینه‌، و دگه‌ل خێزانێن گرێدایی مادێ 140 وهاتنا خێزانێن كورد ژ ده‌رڤه‌ بو هه‌رێمێ، هه‌می ل سه‌ر رێژا هاتنا پانزرین و گازاسپی یاخه‌لكێ پارێزگه‌ها دهوكێ دژین.
شوره‌ش محمود ویسی گوتژی: ژبه‌ر هه‌بونا ژماره‌كا مولیدێن ئه‌هلی كو كاره‌بێ بو هاولاتیان دابین دكه‌ن ئه‌م نه‌شێن گازویلێ بده‌ینه‌ ترومبێلێن بارهه‌لگر، و پتر ژێ 80% ئه‌م گازوایلێ ده‌ینه‌ مولیدێن كاره‌بێ و هه‌رده‌مێ ره‌وشا كاره‌بێ باش بوو پاشان ئه‌م شێن بده‌ینێ.
شوره‌ش محمود وه‌یسی دیاركرژی، به‌رهه‌مێن گازێ ل سه‌ر هه‌می رێڤه‌به‌ریێن میری و نه‌خوشخانا وهێلێن نافخو و سه‌مونخانا دگه‌ل پروژێن كشتوكالی و جهێن ئاینی و كه‌رتێ ته‌ندروستی زێده‌باری به‌لاڤه‌كرنا پتر ژێ 3 ملیون لترێن گازا سپی ل سه‌ر كه‌رتێ په‌روه‌ردێ هاتیه‌ به‌لاڤه‌كرن.

ڕووداوه‌كانی‌ ناوچه‌كه‌ كاریگه‌رییان له‌سه‌ر پاره‌ی‌ عێراقی‌ نابێت

ڕووداوه‌كانی‌ ناوچه‌كه‌ كاریگه‌رییان له‌سه‌ر پاره‌ی‌ عێراقی‌ نابێت